Bupati Bandung Masrahkeun Bantuan Rehabilitasi Imah Warga Korban kamusibahan Lini di Kertasari

LBNews,com. BALEENDAH, – Bupati Bandung Dadang Supriatna sacara simbolis masrahkan bantuan ka warga anu kakeunaan musibah lini di Kecamatan Kertasari Kabupaten Bandung jeung sabudeureunana.

Bantuan stimulan anu dipasrahkeun teh pikeun rehab atawa ngadegkeun deui imah anu ruksak alatan musibah lini dilaksanakeun Bupati Dadang Supriatna dibarengan Kepala Pelaksana Badan Penanggulangan Bencana Daerah (BPBD) Kabupaten Bandung Uka Suska Puji Utama dina kasempetan acara Safari Ramadhan jeung Tarawih Keliling Bupati Bandung Tahun 1446 H/2025 di daerah pemilihan (Dapil) VI di Masjid Al Ma’sum Pontren Cinta Ilmu Kalurahan Wargamekar Kacamatan  Baleendah Kabupaten Bandung, Rabu (12/3/2025).

Disebutkeun, pasca nusibah lini Kertasari Kabupaten Bandung anu kajadianana tanggal 18 September 2024 kaliwat, Pemkab Bandung geus narima transfer bantuan ti BNPB (Badan Nasional Penanggulangan Bencana) anu gedena  Rp 25,5 miliar.

Ieu dana bantuan teh diajangkeun keur ngayakeun rehabilitasi 1.083 unit imah anu total sabenerna 6000 imah. Tapi, aya anu dibiayaan ku BNPB mah sakitar 1.083 unit imah. Aya oge anu dibiayaan ku APBD Kabupaten Bandung, ceuk Bupati nerangkeun.

Kang DS, sebutan landihan Dadang Supriatna nyebutkeun, aya oge anu henteu kakaper ku APBN atawa APBD Kabupaten Bandung. Aya sumber ti nu sejen, ti kalangan ASN kakumpulkeun bantuan anu badagna Rp 900 juta-an. Eta mah langsung dikaluarkeun tina titipan nu dikokolakeun ku Baznas pikeun nyalurkeunana.  

Tapi, alhamdulillah, sakabeh imah anu jumlahna ngahontal angka rebuan pasca musibah lini di Kertasari tos karengsekeun,” pokna

Kang DS oge ngawawadian ka masarakat sabab kondisi ayeuna Kabupaten Bandung kaasup daerah rawan musibah, dipiharep warga ngadegkeun imah tahan lini.

Bisa ku cara ngadegkeun deui imah panggung kawas model baheulam  atawa ngagunakeun konstruksi anu memang tahan lini, ceuk Bupati.

Sawatara, Kepala Pelaksana BPBD Kabupaten Bandung Uka Suska Puji Utama, netelakeun, data awal anu diasongkeun ka pihak  BNPB nyaeta 1.174 unit imah ruksak kalayan jumlah bantuan  Rp. 25,500,000,000. Sanggeus validasi ulang jumlahna robah jadi 1.083 unit, kalayan wincikan: imah nu ruksak teh nyaeta 52 unit ruksak berat, kalayan meunang bantuan Rp.60 juta/unit. Tapi geus dibangun deui.

“Nu ruksak sedang lobana 294 unit narima bantuan Rp.30 juta/unit, jeung ruksak ringan lobana 737 unit  baris narima bantuan Rp.15 juta/unit,” jelasna.

Selian 1.083 unit, dijelaskan Uka Suska, aya oge 4.205 unit imah ruksak sangat ringan kalayan niley bantuan Rp.1 juta/unit tina bantuan APBD Kabupaten Bandung.

Sedengkeun 494 unit imah nu ruksak tapi henteu asup kana kriteria, meunang bantuan ti ASN anu dititipkeun di BAZNAS Kabupaten Bandung gedena Rp.1 juta/unit, jelasna.

Inyana negeskeun, yen bantuan anu dipasarahkeun ka warga korban musibah lini teh kaasup bentuk perhatian pamarentah kalayan harepan bisa ngaringankeun tanggungan masarakatr anu kamusibahan.

Uka oge nerangkeun, memang dina prungna nyerahkeun bantuan ka warga korban musibah lini dilaksanakeun kalaya satahat demi satahap  

Tatapi nu jelas, ceuk Uka Suska, Bupati Bandung satekah polah merjoangkeun masarakat nu mikabutuh bantuan pikeun ngadegkeun deui imah nu ruksak, boh ruksak berat, ruksak sedang, ruksak ringan jeung ruksak sangat ringan .

“Ieu bantuan ti BNPB ngajadikeun support pikeun sakabeh warga anu kakeunaan dampak musibah alam lini di Kertasari Kabupaten Bandung, ceuk Uka..

Bantuan stimulan ngomean atawa ngadegkeun deui imah anu kakeunaan dampak lini ieu, sacara simbolis dipasarhkeun ka kulawarga Dadan Nurjamil, nu imahna ruksak berat warga Kampung Neglasari RT 02/RW 07 Desa Cibeureum Kecamatan Kertasari Kabupaten Bandung. Agus Supiyar Nurdin, nu imahna nu ruksak sedang warga Kampung Sukasari RT 02/RW 25 Desa Cibeureum Kecamatan Kertasari; jeung Opi Khadafi, imahna imahna ruksak ringan, warga Kampung Sukasari RT 04/RW 03 Desa Cibeureum Kecamatan Kertasari.***