Emma Dety: PKK jeung Posyandu Dua Pilar Utama Pangwangunan Kulawarga jeung Masarakat

LBNews.com. SOREANG, – Pangurus TP-PKK, jeung Pangurus TP-Posyandu Kabupaten Bandung periode 2025-2030 dilantik Bupati Bandung Dadang Supriatna di Gedong Mohamad Toha Komplek Pemkab Bandung, Soreang, Kemis (13/3/2025).

Dina kagiatan pelantikan teh turut hadir, Wakil Bupati Bandung Ali Syakieb sareng garwa, para Kepala OPD, para camat sa-Kabupaten Bandung, pengurus TP PKK Kabupaten Bandung, pengurus TP Posyandu Kabupaten Bandung, Ketua TP PKK dan TP Posyandu Kecamatan sa-Kabupaten Bandung, Ketua APDESI Kecamatan sa-Kabupaten Bandung, Ketua TP PKK Desa (APDESI Kacamatan) sa-Kabupaten Bandung jeung pihak lainna.

Satutasna acara pelantikan, Ketua TP PKK jeung  Ketua TP Posyandu Kabupaten Bandung Hj. Emma Dety Dadang Supriatna nepikeun pangbagea ka sakumna pengurus TP PKK Kabupaten Bandung, pengurus TP Posyandu dan TP Posyandu Kacamatan anu oge anyar dilantik.

“Sim kuring ngaraos yakin ku pangalaman sareng dedikasi bapa ibu sadayana tiasa ngajantenkeun kamajengan kanggo gerakan PKK sareng pembinaan Posyandu di Kabupaten Bandung,” ceuk Emma Dety.

Emma Dety nyebutkeun danget kawari aya 62 pengurus TP PKK Kabupaten Bandung jeung 27 Ketua TP Posyandu Kacamatan anu anyar dilantik.

Pamarentah danget kiwari keur meujeuhna focus kana rupaning program prioritas sakumaha anu kauni kalayan natrat dina asta cita visi misi Presiden jeung Wakil Presiden. Dina hal ieu, PKK jeung Posyandu ngabogaan peran anu kacida penting enggoning ngarojong program-program sangkan nepi ka hasilna. Pokna.

Bunda Bedas oge negeskeun yen kadudukan jeung peran strategis anu dipibanda Ketua jeung Pangurus TP PKK jjeung TP Posyandu di Kabupaten Bandung kacida vital.

“PKK dan Posyandu kalebet dua pilar utama dina pangwangunan kulawarha saraeng masarakat,” pokna deui nandeskeun.  

Dijelaskan ku Emm Dety, ngaliwatan 10 program pokok PKK, TP PKK jeung TP Posyandu satekah polah pikeun ningkatkeun kualitas hirup kulawarga dina rupaning widang. Mimiti tina kasehatan, pendidikan, ekonomi nepi ka lingkungan sabuderureunana.

“Posyandu salaku ujung tombak ngayakeun pangladen di masyarakat mibanda peran penting dina layanan 6 SPM atau Standar Pelayanan Minimal di desa jeung kelurahan, diantaranya pendidikan, kasehatan, pekerjaan umum, perumahan rakyat, trantibum linmas jeung sosial,” tambahna.

Tumali jeung hal kasebut, jelas Emma Dety, yen tugas jeung fungsi Pangurus TP PKK jeung TP Posyandu ngarupakeun peran strategis anu kudu dilakukeun, nyaeta pikeun ngayakeun akselerasi program-program PKK jeung Posyandu sakumaha prioritas program pamarentah pusat jeung pamarentah daerah.  

Program PKK jeung Posyandu perelu dilaksanakeun kalayan prinsip kamitraan, kaswadayaan jeung kagotong royongan. Alatan kitu, dipiharep bisa dioptimalkeun sakabeh potensi nu aya di Kabupaten Bandung. Kaasup ngadayagunakeun potensi kamitraan jeung para pihak OPD (Organisasi Perangkat Daerah) katut lembaga mitra kerja lainna pikeun ngadukung dilaksnanakeunana program-program anu geus dirumuskeun ku sarerea. Pokna deui panjang lebar.

Leuwih jauh deui Emma Dety mitutur, ngalakukan pemetaan kana sakur prioritas program pangwangunan pamarentah pusat jeung daerah, saperti ketahanan pangan, ngaronjaatkeun ekonomi masarakat, mere katuangan anu ngandung gizi ka barudak jeung ninkatkeun layanan sosial ti nu paling dasar.

Peran rongkah anu dipibanda TP PKK jeung TP Posyandu, tangtu we perlu dukungan jeung fasilitas kana program-program PKK kitu deui Posyandu ti para pingpinan daerahna sewing-sewangan salaku Pembina TP PKK.

Emma Dety miharep niley jeung sikep anu kudu kapibanda ku sakumna para pengurus TP-PKK, TP-Posyandu jeung Ketua TP-Posyandu Kecamatan atawa desa nyaeta integritas, kepedulian, ketuladanan jeung sumangat gotong royong.

“Urang kedah janten tuladan enggoning ngagerakkeun masarakat turta salawasna mentingkeun Kepentingan umum batan pribadi”pokna deui.  

Leuwih jauh deui, Emma Dety nerangkeun perelu ngayakeun penguatan kalembagaan, kolaborasi jeung sinergi antara PKK, Posyandu, pamarintah daerah jeung sakumna pemangkui kapentingan bakal jadi konci sukses sakumaha anu dipiharep.

“Hayu urang bagerak sangkan Bandung lebih Bedas,” pungkasna.***

Dadan Sungkawa