PT BPR Kerta Raharja jeung Disparbud Kabupaten Bandung Resmi Ganti Ngaran
Bupati Bandung Dadang Supriatna jeung para pingpinan DPRD Kabupaten Bandung sabada ngalaksanakeun Sidang Paripuna DPRD Kabupaten Bandung di Gedung Paripurna, Soreang, Senin (17/3/2025).*** 
LBNews.com. SOREANG, – PT Bank Perkreditan Rakyat Kerta Raharja (Perseroda) Kabupaten Bandung kiwari sah ganti ngaran jadi PT Bank Perekonomoan Rakyat (Perseroda) Kerta Raharja.
Salian ti BPR, organisasi perangkat daerah(OPD) nyaeta Dinas Pariwisata dan Kebudayaan, oge robah ganti ngaran jadi Dinas Pariwisata dan Ekonomi Kreatif (Disparekraf) Kabupaten Bandung, jeung direcah jadi dinas anyar, nyaeta Dinas Kebudayaan.
Eta parobahan teh nyusul disatujuanana Rancangan Peraturan Daerah (Raperda) tentang Perubahan Keempat atas Peraturan Daerah (Perda) Kabupaten Bandung Nomor 12 Tahun 2016 tentang Pembentukan dan Susunan Perangkat Daerah, dina Sidang Paripuna DPRD Kabupaten Bandung di Gedung Paripurna, Soreang, Senin (17/3/2025).
Maksud jeung tujuan parobahan ngaran Bank Perekonomian Rakyat, ieu teh sangkan BPR Kerta Raharja bisa leuwih diandelkeun keur panyokong, pang-support UMKM di wilayah Kabupaten Bandung jeung sabudeureunana, jelas Bupati Bandung Dadang Supriatna sabada rapat paripurna.
Bupati Bandung ngajelaskeun, barobahna ngaran Disparbud jadi Disparekraf lantaran nyaluyukeun jeung kementerian anu aya tur gede pakuat-pakaitna, nyaeta Kemenparekraf.
“Oge pikeun nyaluyukeun jeung program Presiden Prabowo dina raranga ngaronjatkeun tumuwuhna ekonomi kreatif jeung ngabentuk para pelaku ekraf, pungkas ceuk bupati.***
Dadan Sungkawa
