Inovasi Revolusioner! Mesin Jaleuleu Bedas Siap Ngancurkeun Runtah Sa-Indonesia

LBNews.com. BALEENDAH, – Pasti pikareueusan jeung cukup phenomenal. Bupati Bandung Dadang Supriatna geus ngabuktikeun munculna pamanggih anyar anu kawilang revolusioner dina widang teknologi pangolahan runtah jeung ngurangan emisi karbon, nyaeta Bandung Bedas Green Techno atawa mesin “Jaleuleu” Bedas.

Bandung Bedas Green Techno ngarupakeun inovasi teknologi anyar dina system pangolahan sampah, hasil karya nonoman Kabupaten Bandung anu disupport tur dibiayaan langsung ku Bupati Bandung Dadang Supriatna.  

Galibna, tina proses pameuleuman runtah teh ngahasilkeun karbon anu gede kontribusina kana efek rumah kaca, tapi pamanggih anyar teknologi Bandung Bedas Green Techno mah, justru mampuh ngahasilkeun hawa seger atawa oksigen anpir 20,9 persen atawa sarua jeung oksifen di Kawasan pagunungan.

Disebutkeun Bupati Bandung Dadang Supriatna, Bandung Bedas Green Teknologi taya lian nyaeta mesin pameuleuman runtah nu malah sabalikna, sabab bisa ngahasilkeun oksigen. Runtahna beak, taya residu, tapi hasilna, malah mere oksigen, ceuk Bupati Dadang Supriatna waktu soft lounching  Bandung Bedas Green Techno di Gedung BLK Manggahang, Baleendah, Selasa (18/3/2025).

“Lain ngan ngahasilkeun netral karbon, tapi mere kontribusi kana kasaimbangan atmosfer jeung ningkatkan kualitas hawa global,” jelas Bupati Bedas.

Kang DS – sebutan akrab Dadang Supriatna – ngajelaskeun, diperelukeun waktu  tilu taun pikeun nyampurnakeun teknologi Bandung Bedas Green Techno nepi ka ahirna ngajanggelek ieu mesin Jaleuleu Bedas teh mampuh ngolah runtah jadi oksigen.

Ieu Teknologi Bandung Bedas Green Techno bakal jadi pamanggih phenomenal anu bisa mere kontribusi jeung ngajadikeun solusi parobahan iklim. “Moal aya aseup, moal aya karbon,” ceuk Kang DS.

Sabada soft launching , Kang DS itu mitutur, danget kiwari pihakna  keur ngupayakeun proses ngusulkeun hak cipta  atawa hak paten mesin nu bisa ngagunakeun teknologi revisioner, nyaeta graphene kasebut.  

Satutasna hak paten kaluar, pihakna baris masrahkeun persembahan ieu temuan teknologi teh ka Pa Presiden. Kalayan optimistis, Kang DS nyebutkeun yen ieu teknologi bakal jadi solusi masalh runtah, lain wae di Kabupaten Bandung, tapi oge di Indonesia, ungkabna.

Lintang ti mampuh ngahasilkeun oksigen tina pproses pameuleuman, Bandung Bedas Green Techno atawa Jaleuleu Bedas oge boga kapunjulan sejen anu henteu kapimilik teknologi lainna.

Kahiji, dibandingkeun metode lain saperti incinerator jeung pirolisis nu masih keneh ngahasilkeun dioksin, furan, jeung polutan lainna, Jaleuleu Bedas henteu nyesakeun emisi anu ngandung bahaya berkat suku pameuleuman ultra tinggi (1.200-1.500°C).

“Hasil pameuleuman henteu matak menghasilkan emisi bahaya. Moal aya sesa gas nu ngandung racun atawa partikulat mikro nu biasa ngotoran hawa jeung ngaruksak kasehatan masarakat,” ceuk Kang DS ngajentrekeun.

Kaunggulan lain mesin revolusioner anu ngandung teknologi graphene ieu, nyaeta ngabogaan efisiensi meh sampurna 99 persen. Runtah ludes jeung kaserep jadi energi kalawan residu ngan ukur 0,5-1% anu bisa dimangpaatkeun pikeun kaperluan, saperti bahan konstruksi jeung lainna.

Jaba ti kitu, mesin jaleuleu Bedas ieu bisa ngolah runtah, organic, anorganik, plastic, kaasup limbah medis tanpa perlu ruwet.

Insya bakal gede mangpaatna keur bangsa jeung nagara. (TPA) Bantargebang bakal beres. Sarimukti bakal rengse. Runtah di Indonesia bakal anggeus ku teknologi ieu, Kang DS nandeskeun.***