Dedi Mulyadi: Leuwih Alus Parcel Lebaran Dikirim ka Warga Kurang Mampu
LBNews.com. BANDUNG, – Gupernur Jawa Barat Dedi Mulyadi nepikeun pamentana ka warga teu perlu ngirim parsel ka dirina. Inyana nyebutkeun, parsel Lebaran nu biasana dikirim ka Gupernur mangrupa bingkisan tuangeun, leuwih hade lamun dibikeun ka masarakat kurang mampu nu leuwih ngabutuhkeun batan dirina.
Dedi ngajelaskeun, parsel nu rek dikirimkeun ka warga nu ngabutuhkeun bisa bae mangrupa paket kalayan nominal Rp 150.000. Laju, paketna diserahkeun langsung ka warga nu ngabutuhkeun di lingkungan sabudeureunana.
Kirimkeun parsel ka warga mangrupa paket nileyna Rp150.000, anteurkeun ka tatangga, babaturan atawa balad nu kurang mampu di lingkungan sabeureunanaana, jelas Gupernur nu biasa akrab disebut KDM (Kang Dedi Mulyadi).
Eta kiriman paket teh bakal ngaringakeun kasusah warga, komo nyanghareupab lebaran. Dedi nyebutkeun parsel anu dikirimkeun ka dirinya bakal kurang mangpaat.
“Ieu alus pan,” ceuk Dedi bari ngajelaskeun lamun aya 100 urang nu ngirim ka gupernur, misilnya bae, bisa ngirim keur 10 urangeun, hartina aya 1.000 urang nu bisa dibantu. Dibandungkeun dikirim ka dirina, “Bakal numpuk moal aya nu nuang,” pokna deui.
Saterusna Dedi mere saran ka masarakat, lamun mah keukeuh rek ngirimkeun parsel ka gupernur, cukup ku tulisan nu eusina “selamat idul fitri” ditambah laporan geus ngirimkeun paket ka warga kurang mampu,’
“Tepikeun ucapan Lebaran ka gupernur, cukup ku kertas bari jeung ditulisan Pak Gubernur Selamat Hari Raya Idul Fitri, titipan parselnya sudah saya berikan kepada Mak Acah, Mak Imih, Mak Inah, jeung saterusna. Sebutkeun we ngaranna,” ceuk Dedi.***
Dadan Sungkawa/Sumber: Humas Jabar
