Dina Waktu Usum Pelesiran Lebaran Idulfitri 1446 Hijriyah, BPBD Ngingetan Perkembangan Update Prakiraan Cuaca jeung Perhatikeun Jalur Wisata

LBNews.com. SOREANG, – Kepala Pelaksana Badan Penanggulangan Bencana Daerah (BPBD) Kabupaten Bandung Uka Suska Puji Utama ngingetan para pemudik Lebaran Idulfitri 1446 H/2025 M sangkan enya-enya merhatikeun update peringatan dini cuaca di Jawa Barat, hususna di Kabupaten Bandung.

“Update peringatan dini cuaca ieu tiasa ditinggal tina link BMKG (Badan Meteorologi, Klimatologi dan Geofisika), maksadna supados tiasa apal peringatan dini potensi cuaca di Kabupaten Bandung,” ceuk Uka Suska di Soreang, Rabu (2/4/2025).

Uka Suska ngabeberkeun tina ayana informasi awal ti anu dikaluarkeun ku pihak BMKG, bakal kanyahoan sakur rupaning potensi prakiraan cuaca anu baris muncul, boh potensi turun hujan sedeng, leutik jeung badag, nya kitu deui hujan anu datang dibarengan ku dordar gelap atawa angin gede lilintungan.

Kaayaan potensi cuaca nu sakirana bisa nimbulkeun mamala bencana, bisa kaprediksi. “Atuh mangpaatna kalintang ageungna. Janten masarakat anu bade ngayakeun kagiatan mudik atanapi balik lebaran tiasa ngaraos reugreug sareng tetep iatna waspada sareng taki-taki kana kaayaan lingkungan cuaca. Sapados salami dina perjalanan ngaraos aman tur nyaman,” ceuk Uka Suska.  

Uka Suska oge ngingatan deui ngeunaan tingkat potensi rawan bajir di Kabupaten bandung. Utanana di Kacamatan Cicalengka, Cikancung, Cilengkrang, Cileunyi, Cimenyan, Ciwidey, Ibun, Kertasari, Nagreg, Pangalengan, Paseh, Pasir Jambu, Rancabali, dan Rancaekek.

Ktu deui potensi banjir di lokasi lianna, saperti di Kecamatan Arjasari, Baleendah, Banjaran, Bojongsoang, Cangkuang, Ciparay, Dayeuhkolot, Ibun, Katapang, Kutawaringin, Majalaya, Margaasih, Margahayu, Pameungpeuk, Solokanjeruk, jeung Soreang.

Uka Suska ngungkabkan potensi gerakan tanah di Kabupaten Bandung, nyaeta di Kecamatan Arjasari jeung Banjaran  kalayan potensi tengah-luhur jeung ngandung potensi banjir bandang, sarta ngahudang aliran bahan rombakan.

Sedangkan di Kecamatan Baleendah, Cicalengka, Cikancung, Cilengkrang, Cileunyi, Ciparay, Kutawaringin, Margaasih, Nagreg, Pacet, Pameungpeuk, Pangalengan, Paseh mangrupa potensi gerakan tanah  menengah-tinggi.

Satuluyna di Kecamatan Cimaung, Cimenyan, Ibun, Kertasari, Majalaya, Pasirjambu, Rancabali, Soreang kalayan potensi gerakan tanah menengah-tinggi dan berpotensi banjir bandang/aliran bahan rombakan.

Uka Suska ngajelaskeun identifikasi jalur rawan musibah banjir anu kaliliwatan para pemudik, nyaeta jalur utama antar kabupaten/kota, anu remen nimbulkeun kamacetan (arus padat) dina salila usum mudik.

“Ieu Jalur utama mibanda potensi nimbulkeun kacilakaan, banjir, longsor, kamacetan lalu lintas. Saterusna daerah rawan banjir di jalur nasional Bandung-Garut, Nagreg sareng  Kawasan Dayeuhkolot, lintang ti daerah Bojongsoang sareng Baleendah,” pokna deui.

Uka Suska ge ngejelaskeun, ngeunaan jalur-jalur lintasan anu sok rajeun nimbulkeun musibah anu kudu enya-enya ditalingakeun deui, nyaeta kawasa jalan nasional Bandung-Garut anu mindeng kabanjiran anu dibarengan ku angin topan, kaasup lintasan jalan Rancaekek-Nagreg  palebah area PT Kahatex Rancaekek.

Ongkoh deui anu kudu diperhatikeun potensi rawan urug di sakitanan Jalan Nasional Bandung – Garut, leuwih tegesna di Jalan Rancaekek – Nagreg (Area Lembah Nagreg Heritage dan Lingkar Nagreg).

Inyana oge turut ngajelaskeun kaayaan jalan alternatif Ciwidey – Pangalengan (Jalan Gambung) anu ngandung potensi rawan longsor, angin kencang runtuhna tatangkalan di sapanjang jalan.  Hal sarupa di Jalur alternatif Cikancung – Cijapati (Jalan Bandung – Garut via Cijapati) anu ngandung rawan urug, angin tarik jeung tatangkalan nu rungkad, pokna.

Uka Suska netelakeun, BPBD terus-terusan nalingakeun jeung mengidentifikasi jalur rawan longsor, tangkal nu runtuh jeung angin nyeot tarik di kawasan wisata, saperti di kawasan Cimenyan, Rancabali jeung Pangalengan.

Nyanghareupan sakur potensi jeung karawanan, aya strategis kasiap-sayagaan anu bisa dilakukeun ku pihak BPBD Kabupaten Bandung.

Uka Suska oge ngawanti-wanti ka masarakat, hususna wisatawan nu rek pelesiran di wewengkon Kabupaten Bandung sangkan merhatikeun jalur wisata nu rek kaliwatan jeung merthatikeun deuih kalayakan kandaraan, utamana beus.

“Hal ieu kanggo kasiapsayagaan sareng ngajaga kaamanan dina waktu ngagunakeun kandaraan,” pokna. (ds-k)***