Kepala Dispusip Kabupaten Bandung, Teguh Purwayadi: Tingkat Pengaresep Maca di Kab. Bandung Nempatan Urutan ka-2 se-Jawa Barat

LBNews,com. SOREANG. – Literasi lain hartina ngan sawates maca jeung nulis, tapi oge ngawengku aspek kreativitas jeung kacerdasan cara maham jeung ngolah informasi. Kitu anu ditepikeun Kepala Dinas Perpustakaan dan arsip (Dispusip) Kabupaten Bandung Teguh Purwayadi dina acara gelaran Bedas Literasi Ramadhan Festival (Berlian Fest) 2025, di Soreang, Rebu (12/3/2025) nak.

Disebutkeun, Berlian Fest dilaksanakeun dina bulan Ramadhan minangka momen nu pinuh barokah jeung manjing waktu pikeun ngartonjatkeun sumanget literasi.  Berlian Fest  boga tujuan nyadiakeun ruang pikeun masarakat.Uramana barudak sakola, bunda literasi jeungpara pengelola notar boca jeung sajabana dina ngembangkan kamahiran lieterasi ngaliwatan rupa-rupa acara lomba. Ditambahkeun ieu kagiatan teh ditujulkeun pikeun ngareuah-reuah bulan suci Ramadhan jeung numuwuhkeun bufaya literasi.

Dina ieu acara festival teh digelar sababaraha jenis perlombaan, diantarana lomba menulis keur Bupati Bandung, lomba baca puisi, lomba cerdas cermat bunda literasi, lomba video konten pikeun para pengelola motor baca, lomba kolase, jste. Oge aya bazar buku murah, bazar UMKM mitra Dispusip, anu ngabogaan tujuan pikeun ngalegaan ambahan akses tina bahan ajen bacaan sarta ngadukung produk-produk kreatif lokal hasil binaan Dispusip.

“Ku ayana bazar Ramadhan, dipiharep masyarakat bisa leuwih gampil malarian buku-buku nu sae ajenna sakaligus ngadukung ekonomi pelaku usaha leutik tur menengah,” pokna.

Nyabit sual minat baca masarakat, Teguh nyebutkeun, sacara umum kondisi minat baca di Indonesia memang tacan ngagumbirakeun. Sakumaha data UNESCO, minat baca di Indonesia memang relatif handap. Sababaraha laporan nyebutkeun, tingkat literasi di Indonesia masih keneh aya dina posisi tacan nyugemakeun upama dibandingkeun jeung nagara lain nu leuwih maju. 

“Dumasar kana data UNESCO, minat baca di Indonesia ngan ukur 0,001 persen. Hartinya, tina 1000 urang ngan saurang 1 anu mibadan kabiasaan maca. Disebutkeun, dina hal literasi, Indonesia nempatan posisi ka 60 tina 61 nagara.

Tapi, husus ngeunaan literasi di Kabupaten Bandung, Teguh menyebutkan tingkat kegemaran membaca di Kabupaten Bandung dina taun 2024 nempatan posisi urutan kadua Sa-jabar tahun 2024 kalayan nilai 87,41 poin atawa dalam kategori tinggi. Menempati peringkat kedua se-Jawa Barat.

“Tangtu hal ieu henteu lesot tina kawijakasaan Bupati Bandung anu kalintang ageungna kana program kamekaran literasi di Kabupaten Bandung. Di antaranya ngalungsurkeun motor bemotor baca di setiap kecamatan, ngabentuk bunda literasi parat nepi ka tingkat RW, nyadiakeun mobil perpustakaan keliling, gerakan wakaf buku ASN sareng masyarakat,” katanya.

Dina ieu kasempetan, pokna, turut dilaksanakeun proses nanda tangan rampak gawe jeung BPJS Ketenagakerjaan bari jeung deuih secara simbolis masrahkeun insentif ka para Bunda Literasi RW.

Salian ti masrahkeun insentif jeung BPJS katenagakerjaan ka para bunda literasi anu jumlahna 4.310 urang minangka nedunan jangji politik dina mangsa kampanye nu geus kaliwat, dina ieu kasempetan ge turut dilaksanakeun pengukuhan para penggiat naskah kuno atawa pancanaka ngawakilan  31 kecamatan sa-Kabupaten Bandung.

“Ieu teh ngarupakeun torobosan inovatif lantaran di Jawa Barat karek di Kabupaten Bandung nu ngayakeun inisitaif ngabentuk kolompok penggiat naskah kuno,” sebutna.

Dina katerangan satuluyna, Teguh nepikeun parobahan kalembagaan, yen Dispusip Kabupaten Bandung geus ngayakeun parobohab tipologi, nu tadina tipe B jadi tipe A.

Teguh ngarasa syukur tina sagala pangrojong Bupati Bandung jeung Bunda Literasi Kabupaten Bandung nu ngalahirkeun kawijakan luar biasa dina ngayakeun tarekah ngaronjatkeun budaya literasi di Kabupaten Bandung.  

“Kawijakan Pak Bupati Bandung ngayakeun mobil perpustakaan keliling, motor baca, jeung peran Bunda Literasi ngahasilkeun dampak nu positif pikeun masarakat Kabupaten Bandung. Pangrojong ti Bapa Bupati sareng Bunda Literasi muka akses nu langkung lega ambahanana ka masarakat kanggo mukakeun jandela elmu pengetahuan ku cara ngaronjatkeun minat baca,” pokna.

Teguh ngarasa yakin dina kapamingpinan Bupati Dadang Supriatna bahwa Kabupaten Bandung bakal terus mekar jadi daerah nu cerdas, inovatif jeung maju dina widang literasi. Hal ieu sajalan jeung visi Kabupaten Bandung nu leuwih Bedas, maju, terus-tumerus ngahontal Indonesia Emas 2045.***

Dadan Sungkawa