Munas VI Apkasi, Bupati Bandung Dadang Supriatna Jadi Calon Kuat Ketua Umum
- Bupati Bandung Dadang Supriatna diniley bakal jadi salasaurang calon kuat pikeun jadi Ketua Umum Asosiasi Pemerintah Kabupaten Seluruh Indonesia (Apkasi) periode 2025-2030.*** 
LBNews.com. KAB. BANDUNG – Bupati Bandung Dadang Supriatna diniley bakal jadi salasaurang calon kuat pikeun jadi Ketua Umum Asosiasi Pemerintah Kabupaten Seluruh Indonesia (Apkasi) periode 2025-2030.
Pamilihan Ketum Apkasi definitif engkena bakal digelar dina Musyawarah Nasional (Munas) ka-VI Apkasi, nu baris dipuseurkeun di Kabupaten Minahasa Utara dina ping 29-31 Mei 2025.
Salaku kandidat kuat, danget ayeuna Dadang Supriatna nyepeng jabatan Wakil Ketua Umum Apkasi. Bupati Bandung nu akrab dilandih Kang DS, oge anyar keneh kapilih jadi Ketum Akkopsi (Aliansi Kabupaten Kota Peduli Sanitasi) ti mimiti 19 Februari 2025.
Aya sababaraha pasyaratan anu kudu ditedunan calon Ketum Apkasi, `diantarana kungsi jadi pangurus Apkasi. Terus sesa jabatan bupati minimal 3 taun, sarta mibanda visi jeung misi enggoning ngembangkeun organisasi Apkasi. Sakabeh pasyaratan teh kacumponan ku Bupati Bandung Kang DS.
Kang DS ngaku ngeunaan kasiapan jadi Ketum Apkasi, “Ayeuna janten Ketum Akkopsi sareng Waketum Apkasi. Engke di ahir Mei 2025, insyaa Allah siap janten Ketum Apkasi,” pokna nandeskeun kasiapanana sabada ngayakeun silaturahmi jeung Direktur Eksekutif Apkasi, Sarman Simanjorang, di Gedung Sekretariat Apkasi, Jakarat, Rebo (23/4/2025).
Sawatara, Ketua Umum Apkasi nepi ka danget kiwari masih dicepeng Penjabat Sementara (Pjs) ku Bupati Trenggalek Mochammad Nur Arifin, hasil keputuan rapat Dewan Pengurus Apkasi di Kantor Apkasi, Jakarta, per 15 Februari 2025.
Disebutkeun, Nur Arifin ngagantikeun posisi Ketum Apkasi sememehna, Bupati Dharmasraya, Sutan Riska Tuanku Kerajaan, anu mangsa jabatan Ketum Apkasi jeung jabatan bupati bakal rengse dina taun 2025. Tugas utama Nur Arifin nyaeta nyiapkeun Munas Apkasi ka-6 di Minahasa Utara ahir Mei 2025.
Munas VI Apkasi taun ieu bakal dilaksanakeun mareng jeung puncak milangkala Hari Jadi Apkasi ka-25 taun 2025 jeung malem Grand Final Pamilihan Putri Otonomi Indonesia taun 2025.
Dina Munas VI Apkasi engkena loba side event anu bisa diiluan jeung ragam potensi kaendahan alam di Kabupaten Minahasa Utara nu bisa dieksplore. Hal ieu bakal ngajadikeun harmonisasi nu apik tina sumanget sinergi jeung kolaborasi antar pamarentah daerah.(*)
Editor: Dadan Sungkawa
