Ngaronjatkeun Sinergitas OpenSID jeung PNR Pikeun Nyampurnakeun Data Desa di Kabupaten Bandung
Kagiatan Rapat Pertemuan sinergitas OpenSID jeung PNR nu lumangsung Ruang Rapat Asisten Pemerintahan & Kesejahteraan Rakyat, kalayan diluuhan para pihak ti Badan Perencanaan Pembangunan, Riset Dan Inovasi Daerah jeung Kepala Dinas Komunikasi Dan Informatika, Statistik Dan Persandian poe Salasa (11/3/2025) kamari.*** 
LBNews.com. SOREANG. – Pamarentah Kabupaten Bandung satekah polah ngayakeun upaya pikeun ngaronjatkeun ajen kualitas data di tingkat desa jeung kelurahan ngaliwatan sinergitas antara OpenSID (Sistem Informasi Desa) jeung PNR (Penyelenggaraan Nama Rupabumi).
Ieu upaya teh ngarupakeun lajuning laku tina rapat tumali jeung “Implementasi Aplikasi Big Data Desa dan Kecamatan” nu dilaksanakeun pada Kamis, 13 Februari 2025, di Ruang Rapat Aptika Diskominfo.
Minangka lengkah konkret, Bagian Tata Pemerintahan Setda Kabupaten Bandung, nyebutkeun geus ngondang para pihak enggoning ngabahas bag-bagan sinergitas OpenSID jeung PNR dina acara pasamoan nu lumangsung Ruang Rapat Asisten Pemerintahan & Kesejahteraan Rakyat, kalayan diluuhan para pihak ti Badan Perencanaan Pembangunan, Riset Dan Inovasi Daerah jeung Kepala Dinas Komunikasi Dan Informatika, Statistik Dan Persandian poe Salasa (11/3/2025) kamari.
Dina ieu acara bagempungan teh, kaungkab aya sababara poin penting jadi kasapakatan pikeun ngaronajtkeun kualitas data desa jeung kalurahan. Kahiji, desa-desa di Kabupaten Bandung ditandeskeun pikeun aktif ngeusi data anu geus disadiakeun dina platform OpenSID. Ieu halt eh dipiharep bisa ngagnacangkeun kana proses “pengumpulan dan pengolahan data” kalayan akurat.
Kedua, optimalisasi dina ngamangpaatkeun modul peta nu nyampak dina website OpenSID jadi salasahij fokussalah satu fokus . Ku cara ngamangpaatkeun modul peta, dipiharep informasi geospasial bisa diakses kalayan leewih gampil tur gancang, boh ku masarakat kitu deui pihak pamarentah.
Ketilu, dina ieu bagempungan teh oge ngabahas ngeunaan pentingna pikeun silitukeur data antara OpenSID jeung PNR SINAR (Sistem Informasi Nama Rupabumi). PNR SINAR ngarupakeun aplikasi nu dimekarkeun ku Badan Informasi Geospasial (BIG) enggoning nyadiakeun fasilitas Penyelenggaraan Nama Rupabumi di Indonesia. Ieu “pertukaran data” teh dipiharep bisa ningkatkeun akurasi jeung validitas data rupabumi di tingkat desa jeung kelurahan.
Ditandeskeun dina ieu kagiatan rapat teh, Pamarentah Kabupaten Bandung mibanda komitmen pikeun terus ngalakukeun inovasi jeung kolaborasi dina hal ngokolakeun data demi ngahontal pangwangunan nu terus-tumerus jeung mibanda ajen.***
Dadan Sungkawa
