Wabup Ali Syakieb Pingpin Opsih Gunungan Runtah Pasar Cileunyi
Wakil Bupati Bandung, Ali Syakieb dibarengan Kepala DLHK Kabupaten Bandung Asep Kusunah jeung Camat Cileunyi Cucu Endang, Kepala Desa Cileunyi Wetan Hari Haryono, sarta pengelola Pasar ti PT Biladi Karya Abadi ngayakeun sidak ka tempat tumpukan runtah di Pasar Cileunyi, Desa Cileunyi Wetan, Kacamatan Cileunyi, Kemis (13 Maret 2025).*** 
LBNews.com. CILEUNYI, – Nyebar video di media social, wakil Bupati Bandung, Ali Syakieb ngayakeun sidak ka tempat tumpukan runtah di Pasar Cileunyi, Desa Cileunyi Wetan, Kacamatan Cileunyi, Kemis (13 Maret 2025).
Ebreh dina video, Wabup Ali Syakieb milu naek backhoe nu keur bulak-balik ngangkatan runtah kana bak treuk.
Video nu geus sumebar di medsos teh teu burung we meunang pujian netizen. Aksi spontan Ali Syakieb naek bachoe pangangkut runtah milik Dinas Lingkungan Hidup dan Kebersihan (DLHK) Kabupaten Bandung direkam kamera salasaurang nu turut nyaksian kagiatan operasi beberesih runtah di wilangan Pasar Cileunyi.
Kasaksian Ali Syakieb masih keneh ngagunakeun pakaian batik motif kini warna hejo saulas, sabab harita satutas acara di Dinas Pertanian Kabupaten Bandung inyana langsung ka TKP Pasar Cileunyi tanpa sempat heula salin pakean.
Backhoe nu kacirina masih keneh weuteuh teh ngahaja dikerahkeun DLHK Kabupaten Bandung pikeun ngangkutan runtah nu geus numpuk ngagiugunung. Saterusna eta tumpukan runtah dipiceun ka TPAS Sarimukti.
Pangangkutan runtah di pasar Cileunyi teh sangkan para padagang jeung nu balanja ngarasa nyaman, teu kaganggu ku bau ambeuna tina tumpukan runtah.
“Operasi runtah bakal terus dilakukeun nepi ka peren,” ceuk Ali anu harita dibarengan Kepala DLHK Kabupaten Bandung Asep Kusunah jeung Camat Cileunyi Cucu Endang, Kepala Desa Cileunyi Wetan Hari Haryono, sarta pengelola Pasar ti PT Biladi Karya Abadi.
Ali ngaku, waktu kampanye Pilkada Kabupaten Bandung 2024, inyana kungsi datang ka Pasar Cileunyi jeung narima aspirasi warga ku ayana gangguan gunungan runtah di lokasi Pasar.
Sakumaha anu geus dijangjikeun dina kampanye kamari, ayeuna nohonan jangji ka dieu deui pikeun ngabersihan gunungan runtah , ceuk Ali kapiasem.
Kang Ali sacara husus nepikeun kamandangna ngeunaan pentingna ngokolakeun runtah sangkan leuwih iatna deui. Inyana ngadadarkeun yen pasualan runtah kudu dituntankeun kalawan sistematis tur terus-tumerus.
Minangka bagean tina upaya ngajaga kabersihan lingkungan, Kang Ali umajak sakumna masarakat misadar kana kabersihan lingkungan sabeureun.
Kagiatan ngabersihan runtah saperti ieu, lain sakadar aksi simbolis. Tapi mudu timbul kasadaran ti urang sakabehna. Hususna di Pasar Cileunyi, pengelola pasar, padagang jeung masarakat di sabudeureun Pasar masing rereongan ngajaga jeung nalingakeun runtah sangkan ulh nepi ka narumpuk ngagugunung, ceuk Ali.
Sawatara, Kepala DLHK Kabupaten Bandung Asep Kusumah nambahkeun, gunungan sampah di Kawasan Pasar Cileunyi sumebar di sababaraha titik. Pikeun ngabersihkeunana , sebut Asep, acer-ancer nepi ka 19 rittase.
Sababaraha titik tumpukan runtah, diantarana aya di dua titik, nyaeta tukangeun Pasar Cileunyi,oge deukeut kios-kios nu ancur alatan ditinggalkeun para padagangna.
Nurutkeun Asep Kusumah, munculna gunungan runtah di Pasar Cileunyi alatan kurangna upaya panyaram ti pengelola pasar jeung padagang nepi ka diantep sina ngahunyaud.
Lamun mah pengelola pasar jeung para padahang ngajaga kalayan babarengan , jigna moal nepi ka ngahnyud. Angoot lamun nepi ka nimbulkeun bau meledek, pungkas Asep.***
Dadan Sungkawa
