Hardiknas 2025, Legislator PKB Tarya Witarsa: Muatan Lokal Kalintang Inspiratif jeung Relevan Wujudkeun Ajening “Pendidikan Bermutu”

LBNews.com. KAB. BANDUNG – Hari Pendidikan Nasional (Hardiknas) tanggal 2 Mei, dina ena-enasna mah ngahudang deui jasa-jsasa para pahlawan di widang Pendidikan.

Kitu anu disebutkeun Ketua Fraksi PKB DPRD Kabupaten Bandung H. Tarya Witarsa, waktu ditepungan Kamis (1/5/2025). Legislator Tarya Witarsa oge turut ngawilujengkeun Hari Pendidikan Nasional 2 Mei 2025.

Tarya Witarsa, anu lulusan sarjana pendidikan agama Islam teh turut ngungkabkeun ngeunaan jejer Hardiknas nyaeta “partisipasi semesta wujudkan pendidikan bermutu untuk semua”.

“Tema anu kaetang inspiratif sareng relevan dina upaya ngaronjatkeun ajening kualitas pendidikan di Indonesia,” pokna.

Nuruteun ieu legislator PKB teh, aya sababaraha poin abu bisa dijabarkeun tina tema Hari Pendidikan tadi. Sebut we partisipasi semesta, ieu teh anu kahiji ngandung makna ancrubna sakabeh pihak, boh masarakat, kulawarga, kalangan pangusaha kaaasup pamarentah dina hal partisisipasi anu kacida pentingna pikeun ngaronjatkeun ajen Pendidikan.

“Kaduana, makna tina kolaborasi sareng kerja sama (rampak gawe). Kolaborasi sareng rampak gawe antara sakumna pihak bisa mantuan dina ningkatkeun ajen Pendidikan sareng ngahontal tujuan Pendidikan nu langkung sae,” pokna deui nambahkeun.

Disebutkeun Tarya Witarsa, tumali jeung ngawujudkeun pendidikan nu mibanda ajen, anu dijabarkeun dina ajen Pendidikan. Pendidikan anu mibanada ajen nyaeta pendidikan anu bisa ngaronjatkeun kamampuan (kamaheran) jeung kompetensi (daya saeng) siswa.

“Saterasna, standar pendidikan. Tengtosna, standar pendidikan anu luhur sareng konsisten tiasa ngabantos kanggo ngarinjatkeun ajen Pendidikan,” walon ieu Sekretaris DPC PKB Kabupaten Bandung.

Sedengkeun tumali jeung akses Pendidikan, Tarya Witarsa nyebutkeun yen sakumna masarakat ngabogaan akses Pendidikan nu sarua. “Sakumna masarakat ngagaduhan hak anu sami kanggo nampi pendidikan anu mibanda ajen. Kaduana, kasataraan pendidikan oge tiasa ngabantos kana ngaronjatkeun ajen hirup kumbuh sareng kamampuan masarakat,” pokna deui.

Mulang deui kana jejer ‘Partisipasi Semesta Wujudkan Pendidikan Bermutu untuk Semua’, nurutkeun inyana, ieu teh bisa ningkatlkeun kasadaran jeung partisipasi masarakat enggoning ngaronjatkeun ajen Pendidikan di Indonesia.

Tarya Witarsa anu oge Ketua Komisi C DPRD Kabupaten Bandung turut mere apresiasi kana sakur lengkah jeung kawijakan Bupati Bandung Dadang Supriatna dina ngalaksanakeun Pendidikan muatan lolal dina upaya ngawujudkeun generasi entragan ngora nu mibanda akhlak tur nyepeng pageuh karakteristik kabangsaan.

Inyana nyebutkeun, muatan lokal anu ditandeskeun ku Bupati Bandung, ngawengku: pendidikan Pancasila dan UUD 1945, pendidikan budaya jeung basa Sunda, turta pendidikan diajar ngaji jeung ngapalkeun Alquran.

“Ieu hal ngagaduhan tujuan kanggo ngawangun karakter generasi anyar nu mibanda karakter Pancasila sareng mibanda akhlak mulia. Danget kiwari, muatan lokal parantos dijalankeun kalumangsunganana di sakola-sakola di Kabupaten Bandung,” akuna.

Disebutkeun, muatan lokal ieu diimplementasikeun dina kurikulum sakola di Kabupaten Bandung. Masih keneh ceuk Tarya Witarsa, Bupati Bandung oge nekenkeun pentingna basa daerah salaku basa indung disapkeun mapag Indonesia Emas 2045. 

“Pak Bupati Bandung oge ngarojong kamakeran muatan lokal ngalangkungan sarwanng kagiatan, sapertos ngalungsurkeun buku muatan lolal basa Sunda, salian ti kaluarna Peraturan Bupati (Perbup) nu ngatur panatacalagaraan pendidikan muatan lokal di Kabupaten Bandung,” pokna.

Pendidikan muatan lokal anu ditekenkeun ku Bupati Bandung ngabogaan tujuaan pikeun nguatkeun identitas local, niley-nil;ey Pancasila jeung akhlak mulia di widang Pendidikan di Kabuoaten Bandung, pokna nandeskeun. (K)**

Editor: Dadan Sungkawa