Kahadiran Menko AHY di IPDN: Mere Dangiang ‘Insight’ Anyar pikeun Para Praja

LBNews.com. JATINANGOR – Menteri Kordinator (Menko) Bidang Infrastruktur dan Pembangunan Kewilayahan, Dr. H. Agus Harimurti Yudhoyono., M.Sc., M.PA., M.A., ngaresmikeun tilu gedong Fakultas anyar Institut Pemerintahan Dalam Negeri (IPDN), Rebu (7/5/2025).

Tilu gedong anyar anu diresmikeun teh nyaeta Gedong Fakultas Manajemen Pemerintahan, Fakultas Politik Pemerintahan jeung Fakultas Perlindungan Masyarakat. Lian ti Agus Harimurti Yudhoyono atawa anu leuwih katelah AHY, ieu acara ngaresmikeun teh diluuhan ku Wakil Menteri Pekerjaan Umum, Ir. Diana Kusumawati., M.T jeung Wakil Menteri Dalam Negeri, Dr. Ribka Haluk, S.Sos., M.M.

Nurutkeun Rektor IPDN Dr. H. Suhajar Diantoro., M.Si., ieu gedong fakultas teh ngarupakeun bantuan alih status ti Kementerian Pekerjaan Umum ka Kementerian Dalam Negeri anu pamangpaatanana ku IPDN.

Disebutkeun ku Rektor IPDN, danget kiwari IPDN geus ngahontal predikat akreditasi Unggul ti BAN-PT. Ku ayana tilu gedong fakultas anyar baris ngajadikeun motivasi ka pihak paguron tinggi jeung praja pikun nyuprih paelmuan leuwih gemet keur kahadean bangsa keung ngara.  

Masih keneh nurutkeun inyana, kahadiran Menko AHY di Kampus IPDN Jatinangor Kabupaten Sumedang, Jawa Barat. Dipiharep bisa ngadatangkeun insight anyar pikeun para praja tumalu jeung elmu pangaweruh jeung wawasan infrastruktur jeung kawilayahan.

Jaba ti ngaresmikeun gedong fakultas, kahadiran Menko AHY di IPDN oge bari sakalian nepikeun kuliah umum ka sakumna civitas akademika IPDN.

Tumali jeung kuliah umum anu ditepikeun ku Menko AHY, aya 3 poin penting nu ditepikeun, nyaeta aya pakuat-pakaitna jeung tangtangan global kaayeunakeun, kumaha ngawangunan Indonesia mangsa kiwari jeung mangsa nu bakal datang sarta sababaraha point pikeun para praja.

Nurutkeun inyana, yen praja kudu aware tumali jeung tangtangan global mangsa kaayeunakeun. Global population, dimana dina taun 2050 diprediksi padumuk dunya jadi 10 Miliar. Ningkatna jumlah padumuk tibalik pisan dibandingkeun jeung sumber daya alam anu beuki kawates. Nya, ieu pisan anu ngalantarankeun eskalasi saengan antar nagara meunangkeun sumber daya alam, anu ujung-ujungna nimbulkeun peperangan, ceuk AHY.

Jaba ti kitu teh deuih perubahan iklim oge bakal jadi ancaman non tradisonal anu ngajadikeun potensi gangguan kaamanan dunya jeung rea-rea deui.

Salaku kader pamarentahan, praja ulah ngan fokus kana tugas administrasi, tapi ciptakeun sistem birokrasi nu adaptif, inovatif jeung tuluy-tumuluy. Ciptakeun layanan publik nu rikat, telik jeung transparan, beberna.

AHY yakin pisan yen praja IPDN ngarupakeun arsitek tata kelola pamarentahan jeung ngajaga arah perjalanan bangsa ka hareupna.

“SDM pinunjul tur mibanda ajening kualitas jadi pondasi utama dina naratas pangwangunan. Jeung ieu teh ngarupakeun tanggung jawab praja IPDN sabada lulus. Aranjeun masing kudu mastikeun ngawujudna good governance, nyaeta ku ayana transparansi, akuntabilitas, panegakan hukum dan partisipasi masarakat,” AHY nandeskeun deui.

Dina pamungkas kuliah umum, Menko AHY nepikeun amanatna ka para praja IPDN. “IPDN jadi titik awal pamiangan rohaka calon pamingpin bangsa, mangka masing siap jadi pangladen masarakat innovator kawijakan jeung panggerak perobahan di Indonesia,” pokna.

Dina ieu kasenpetan, Menko AHY kagunturan anugrah Kartika Astha Brata Utama jeung Alumni Kehormatan anu dipasrahkeun ku pihak IPDN. (KS)**

Editor: Dadan Sungkawa