Momentum Hardiknas, Kadispusip Teguh Purwayadi Sebut Perpustakaan Tempat Tumuwuhna Budaya Literasi
H. Teguh Purwayadi S.STP, M.Si., Kepala Dispusip Kabupaten Bandung.*** 
LBNews.com. KAB. BANDUNG – Dina Hari Pendidikan Nasional (Hardiknas) 2 Mei, Dinas Perpustakaan dan Kearsipan (Dispusip) Kabupaten Bandung mibanda komitmen penting dina widang literasi.
Ieu komitmen teh, Dispusip negeskan, hususna Perpustakaan Daerah dina ngadukung kamekaran literasi jeung ajening kualitas pendidikan masarakat ngaliwatan peran jeung fungsi perpustakaan minangka puseur paelmuan nu inklusif tur bebas laluasa pikeun sakabeh kalangan.
“Ieu komitmen teh sajalan sareng Visi Bupati Bandung nyaaeta nyadiakeun layanan Pendidikan nu walatra,” ceuk Kepala Dispusip Kabupaten Bandung H. Teguh Purwayadi S.STP, M.Si., dibarengan Kabid Pelayanan Perpustakaan Firman Nugraha di Soreang, Jumat (2/5/2025).
Perpusatakaan lain ngan saukur tempat maca, tapi oge jadi rohangan anu ngahirupkeun proses diajar, sarana diskusi turta tempat tumuwuhna literasi di tengah masarakat.
“Kalayan koleksi bahan Pustaka anu terus mekar turta sarwaning program edukasi saperti kelas menulis, pelatihan digital, sareng pojok baca anak, perpustakaan hadir jadi pamumpungan kamotekaran elmu pangaweruh di jaman modern,”
Teguh nandeskeun yen perpustakaan mibanda peran strategis dina ekosistem Pendidikan.
“Dina momentum Hari Pendidikan Nasional ieu, peryogi diemutan deui, yen perpustakaan tiasa disebatkeun jantungna Pendidikan,”pokna.
Nurutkeun inyana, perpustakaan nyadiakeun akses informasi nu walatra jeung ngabentuk karakter masarakat nu kritis tur cerdas.
“Upaya teras dilakukeun supados perpustakaan janten tempat anu laluasa, lalugina, narik ati sareng gampil diakses ku ssakumna lapisan masarkat,” harepna.
Leuwih jauh deui Kadispusip umajak ka sakumna masyarakat pikeun ngamangpaatkeun fasilitas perpustakaan sacara maksimal minangka bagean tina lajuning upaya ningkatkeun kacerdasan kahirupan bangsa.” (K)**
Editor: Dadan Sungkawa
