Pemda Provinsi Jabar Medalkeun SE Tumali jeung Pamangpaatan Gedung Sate Salaku Cagar Budaya pikeun Kagiatan Pamarentahan

LBNews.com. KOTA BANDUNG, – Pamarentah Daerah Provinsi Jawa Barat medalkeun Surat Edaran (SE) ngeunaan Pemanfaatan Gedung Sate sebagai Cagar Budaya pikeun kagiatan pamarentahan.

SE Nomor: 37/KB.03.03.01/UM nu ditanda tangan ku Sekretaris Daerah Provinsi Jawa Barat, Herman Suryatman, 10 April 2025, nyebutkeun yen pamangpaatan Gedong Sate kudu salawasna merhatikeun aspek pelestarian.

Ieu Surat edaran ditujukan ka para Asisten Daerah, Staf Ahli Gubernur, serta Kepala Perangkat Daerah jeung Biro di lingkungan Pemda Provinsi Jabar.

Ieu kawijakan teh ngarupakeun bagean tina upaya ngajaga fungsi utama Gedong Sate salaku ppuseur administrasi sakaligus bangunan sajarah anu mibanda ajen arsitektur luhung tur jadi simbul identitas masarakat Jawa Barat.

Gedung Sate ngan dimeunangkeun pikeun kagiatan resmi pamarentahan jeung teu bisa digunakeun pikeun kagiatan di luar kapentingan tadi.

Tujuanana mah nyaeta pikeun ngalestarikeun, nangtayungan jeung ngamangpaatkeun Gedong Sate sakumaha statusna salaku cagar budaya.

Kaluarna ieu surat edaran nyoko kana sajumlah regulasi, diantarana Undang-Undang Republik Indonesia Nomor 11 Tahun 2010 ngeunaan Cagar Budaya, sarta Peraturan Menteri Kebudayaan dan Pariwisata Republik Indonesia Nomor PM.04/PW.007/MKP/2010 ngeunaan Penetapan Bangunan Bersejarah di Kota Bandung sebagai Benda Cagar Budaya, Situs, atawa Kawasan Cagar Budaya.

Salian ti eta, oge nu jadi dadasar hukum lainna nyaeta Kaputusan Gubernur Jawa Barat Nomor 032/Kep.791-BPKAD/2021 tentang Status Penggunaan Barang Milik Daerah berupa tanah dan bangunan pada 35 Perangkat Daerah di lingkungan Pemerintah Daerah Provinsi Jawa Barat.

Ku ayana ieu surat edaran, Pemda Provinsi Jabar nandeskeun komitmenna dina ngajaga kalanggengan Gedong Sate sangkan tetep bisa dimangpaatkeun ku generasi  ayeuna jeung penerusna minangka bagean tina bangunan warisan budaya anu mibanda ajen luhung.***

Dadan Sungkawa