Readiness Criteria Bantuan Keuangan Desa, Gubernur Jawa Barat: Desa Kotor, Teu daek Ngurus Runtah jeung Susukan/Walungan, Bantuan Moal Deuk Diturunkeun

LBNews.com. BANDUNG, – Dina lolongkrang acara Festival Dulag Istimewa nu lumangsung di palataran Gedung Pakuan, Bandung, Minggu (30/3/2025), Sakumaha dilansir Radar Bogor, Gupernur Jawa Barat, Dedi Mulyadi nyabit ngeunaan Dana Bantuan Keuangan Desa, ngajawab pertanyaan para awak media.

Dedi Mulyadi ngungkabkeun, danget ieu pamarentah provinsi Jawa Barat keur ngatur ngeunaan Bantuan Kauangan Desa. “Keur dirumuskeun,” sebutna.

Dedi netelakeun, bantuan rek dibagikeun ka desa anu geus tartib dina ngokolakeunana.

Bantuan Keuangan Desa, nurutkeun Dedi Mulyadi, ngan bisa diturunkeun ka desa anu geus bisa ngokolakeun kauangan kalayan tartib. “Tartib ngokolakeun pangwangunan,” pokna deui.

Teu cukup ku kitu, Pemprov Jabar oge bakal mere bantuan ka desa nu aktif dina ngokolakeun runtah. Kaasup desa nu daek ngurus runtah,” pokna.

Ieu Bupati Purwakarta manten teh nyebutkeun, bantuan moal deuk diturunkeun ka desa anu lingkunganana kotor. “Desa nu masih kotor, teu daek ngurus runtah, henteu ngurus susukan atawa walungan, bantuan moal deuk diturunkeun,” pokna nandeskeun.

Sakumaha diinformasikeun, Bantuan Keuangan Desa ngarupakeun bantuan keuangan nu asalna ti pamarentah provinsi pikeun ngaronjatkeun kamampuan kauangan desa jeung kamotekaran (pemberdayaan) masarakat desa.

Dilansir ti Badan Perencanaan Pembangunan Daerah (Bappeda) Provinsi Jawa Barat, bantuan kauangan atawa hibah dibagikeun sacara kompetitif kalayan nedunan pasaratan nu lengkep.

Ieu bantuan teh diusulkeun jeung diutamakeun pikeun kagiatan pangwangunan fisik kalayan readiness criteria (RC) anu ngarupakeun kawenangan kabupaten/kota jeung ngabogaan pangaruh lintas kabupaten/kota atawa lintas provinsi.***

Editor Dadan Sungkawa