Gubernur Jabar Bakal Audit Yayasan Bodong Nu Narima Hibah
LBNews.Com, KOTA BANDUNG – Gubernur Jawa Barat Dedi Mulyadi nyebutkeun yen pihakna bakal ngalakukeun audit investigatif nepi ka nyieun laporan tumali jeung Yayasan anu diduga bodong anu narima hibah Pendidikan ti Pemprov. Jabar
“Bakal dilakukeun audit investigative. Sabada audit investigatif saterusna diserahkeun ka penyidik,” tandes Gupernurt Jabar Dedi Mulyadi.
Disebutkeun ku Dedi Mulyadi, ieu tarekah teh dilakukeun pikeun mastikeun distribusi dana hibah pasantren dina APBD Jabar keuna sasaran.
Samemehna diberitakeun, inyana geis mapas dana hibah pesantren dina APBD 2025 kalayan alesan ngomean sistem tata kelola bantuan hibah anu salila ieu diniley henteu walatra. Inyana oge nyabit soal ayana yayasan bodong anu kapanggih, anu salila ieu narima bantuan kalayan niley cukup fantastis.
KDM – sebutana akrab Gupernur Jabar Dedi Mulyadi – sacara blak-blakan ngajelaskeun alesan nunda saheulanan bantuan dana hibah ti Pemda Prov. Jabar ka sajumlah yayasan, kaasup pendidikan nu basisna kaagamaan. Padahal dana hibah nu disalurkeun teh salila ieu digunakeun pikeun kaperluan biaya operasional madrasah jeung pasantren di sababaraha daerah.
Inyana nyebutkeun, salila ieu dana hibah loba ngalir ka yayasan-yayasan anu ngabogaan kadeukeutan politik atawa boga akses langsung ka pamingpin daerah.
Leuwih parna deui, tambahna, aya nu nekad nyieun Yayasan fiktif demi ngeruk dana hibah.
Inyana teu hayang dana hibah ngan beunang ku sabagean pihak. Teu bisa diantep, mangka ditunda heula. Ka hareupm bantuan diatur kalayan basis program pangwangunan, lain aspirasi atawa kadeukeut politik, ceuk Dedi Mulyadi dina katerangandi Bandung, Minggu (27/4/2025).
Ku ayana kalakuan anu jadi sabab-musabab dana hibah henteu walatra jeung salah sasaran, antukna Dedi Mulyadi ngeureunkeun heula sementara salasahiji pos dana hibah nu sumberna tina APBD Prov. Jabar, nepi ka rengsena verifikasi institusi pendidikan anu dilaksanakeun ku Dinas Pendidikan jeung Kanwil Kementerian Agama (Kemenag) Jabar.
“Ieu rencana teh oge geus didukung ku DPRD Jabar,” ucap Gubernur Jabar Dedi Mulyadi. (Gun Sumber Antara)***
