Hardiknas, Bupati Bandung: Hakekat Pendidikan Ngawangun Kapribadian, Ahlak Mulia jeung Peradaban Bangsa

LBNews.com. KAB. BANDUNG – Bupati Bandung Dadang Supriatna turut macakeun sambutan Menteri Pendidikan Dasar dan Menengah Republik Indonesia Abdul Mu’ti dina upacara Hari Pendidikan Nasional 2 Mei 2025 Tingkat Kabupaten Bandung di Lapangan Upakarti Komplek Pemkab Bandung, Soreang, Jumat (2/5/2025).

Dina kasemetan nu sarua turut oge dilaksanakeun upacara Hari Otonomi Daerah ke-29 jeung Hari Buruh Internasional atau May Day Tingkat Kabupaten Bandung taun 2025.

Lintang ti Bupati Bandung selaku Inspektur Upacara, hadir jajaran Forkopimda Kabupaten Bandung, Wakil Bupati Bandung Ali Syakieb, Sekretaris Daerah Kabupaten Bandung Cakra Amiyana, para Kepala Perangkat Daerah di lingkungan Pemkab Bandung, Ketua TP PKK Kabupaten Bandung Hj. Emma Dety Dadang Supriatna, para ASN, para Ketua Serikat Pekerja, para Ketua Ormas/OKP jeung nu sejenna.

Tina Sambutan Menteri Pendidikan Dasar dan Menengah RI, sakumaha dibacakeun Bupati Bandung Dadang Supriatna, dibeberkeun yen Hari Pendidikan Nasional (Hardiknas) lain nga saukur seremonial taunan, tapi ngarupakeun momentum pikeun kapengkuhan ningkatkeun dedikasi, komitmen jeung sumanget nedunan amanat konstitusi nyarta mencerdaskeun kehidupan bangsa, mere layanan Pendidikan nu bener, mibanda ajen jeung ngamajukeun sakumna barudak didik tanpa ayana diskriminasi. Sakumaha anu kauni dina Undang-Undang Dasar 1945 jeung Undang-Undang Sistem Pendidikan Nasional Nomor 20 tahun 2003, beber Bupati Bandung.

Dadang Supriatna nyebutkeun yen pendidikan teh kaasup kana hak asasi jeung hak sipil anu tumerap di sakumna manusa, boh salaku diri pribadi boh salaku warga nagara.

Dina hakekatna Pendidikan teh proses ngawangun kapribadian nu utama, ahlak mulia jeung peradaban bangsa. Pangna kitu, nurutkeun Kang DS, kaputusan anu kawilang cindek ti Presiden Prabowo nempatkeun Pendidikan jadi prioritas dina Asta Cita kaopat, jelasna.

Inyana nyebutkeun komitmen Presiden Prabowo ngawangun sumber daya manusa nu kuat salaku aktor jeung agen parobahan, anu nganteurkeun Indonesia jadi bangsa jeung nagara nu adil tur Makmur.

disebutkeun, Presiden satekoh polah ngamajukeun Pendidikan ngaliwatan revitalisasi sarana parasarana Pendidikan, digital jeung ningkatkeun kualitas, kualifikasi jeung kinerja guru dina nedunan kualifikasi ningkatkeun kompetisi jeung kasejahteraan.

Tina sakabeh patekadan anu dilakukeun ku pamarentah, nurutkeun Dadang Supriatna, dipiharep guru bisa jadi agen parobahan jeung agen peradaban.

Tangtuna diperelukeun rampak gawe sakumna pihak, boh pamarentah, kolot murid, masarakat, dunia usaha jeung media massa sangkan Pendidikan minangka layanan publil bisa ngalaksanakeun peran anu kacida penting ieu, ngahasilkeun jeung nganteurkeun barudak didik jadi generasi nu hebat tur kuat, beberna deui.

Disebutkeun oge. Geus ti mimiti Oktober 2024, ceuk Bupati Bandung Dadang Supriatna, Kementerian Pendidikan Dasar dan Menengah geus ngalakakukeun upaya nyata ngawangunan layanan Pendidikan anu ngandung ajening kualitas.

Disebutkeun, sacara manajerial geus ngupayakeun ngeunaan tata kelalo pembinaan jeung kinerja guru. Sedengkeun sacara kurikuler, kiwari dirarancang ku cara nerapkeun pebelajaran mendalam (deep learning), pemberlakuan Test Kemampuan Akademik (TKA), serta pembelajaran koding, jeung kacerdasan artifisial (AI), tambahna.

Atuh secara pedagogis, ceuk Bupati, enggoning ngabentuk karakater, Kementerian ngayakeun aturan kawijakan tujuh kabiasaan barudak Indonesia hebat, ngawengkeu hudang subuh, ngajalankeun ibadah, ngalaksanakeun kagitan gerak badan, nyadiakeun katuangan nu sehat tur ngandung gizi, resep diajar, ngamasarakat jeung istirahat sare dina wanci sareureuh budak, dina harti teu meunang peuting teuing. Lintang ti aya deuih program pagi ceria yang ngawengku Senam Anak Indonesia Hebat (SAIH), ngalagukeun Indonesia Raya, jeung doa babarengan.

 Nurutkeun inyana, Pendidikan karakter tingkat Taman Kanak-kanak dilungsurkeun album kicau nu eusina lagu-lagu ajangkeuneun barudak.

Bupati umajak, kalayan sumanget Hari Pendidikan Nasisonal, sakabeh masarakat bisa silituyun paheuyeuk-heuyeuk leungeun, sauyunan saguyuban ngawujudkeunj pendidikan nu mibanda ajening kualitas pikeun sakabehna, pungkasna.***

Editor: Dadan Sungkawa