Perpustakaan Nasional RI Laksanakeun Akreditasi 5 Perpustakaan Sakola di Kabupaten Bandung

LBNews.com. KAB. BANDUNG – Dinas Perpustakaan dan Kearsipan (Dispusip) Kabupaten Bandung rampak gawe jeung Perpustakaan Nasional Republik Indonesia ngalaksanakeun kagiatan akreditasi di sajumlah Sekolah Menengah Pertama (SMP) di wilayah Kabupaten Bandung.

Bupati Bandung Dr. H.M. Dadang Supriatna sakumaha anu ditepikeun Kepala Dinas Perpustakaan dan Kearsipan Kabupaten Bandung, H. Teguh Purwayadi, S.STP, M.Si., nyebutkeun ieu kagiatan ngabogaan tujuan pikeun nganiley jeung ningkatkeun ajen layanan perpustakaan sekolah minangka bagiean penting dina ngarojong proses diajar jeung ngajar di lingkungan sakola.

“Akreditasi perpustakaan dilakukeun kalayan nyoko kana Standar Nasional Perpustakaan (SNP), anu ngawengku ti ngawitan koleksi bahan pustaka, layanan, sarana sarengprasarana, tenaga perpustakaan atanapi pustakawan, panatacalagaraan dugi ka pangololaan, kalebet dukungan anggaran,” ceuk Teguh Purwayadi di Soreang, Rabu (30/4/2025).

Kepala Dispusip nepikeun yen ieu kagiatan teh ngarupakeun lengkah strategis pikeun ngadorong urusan  ngokolakeun perpustakaan sakola nu leuwih professional, strukturaljeung terus-tumerus (berkelanjutan).

“Ngalangkungan akreditasi, kanggo mastikeun yen perpustakaan sakola leres-leres janten puseur sumber diajar anu mampuh nemuwuhkeun minat baca sareng literasi informasi siswa,” ceuk Teguh.

Teguh nyebutkeun, 5 (lima) SMP di Kabupaten Bandung meunang kasempetan niley akreditasi teh, nyaeta: SMPN 2 Bojongsoang, SMPN 2 Banjaran, SMPN 3 Rancaekek, SMPN 4 Rancaekek jeung MTS Persatuan Islam Pameungpeuk Kabupaten Bandung.

“Ieu 5 sakola SMP teh parantos ngiring proses akreditasi ti ngawitan taun 2924 kalayan dukungan pinuh ti Kepala Sakola, pustakawan sareng sakumna civitas sekolah,” jelasna.

Disebutkeun, Tim Asesor ti Perpustakaan Nasional nu nganiley langsung ka lapangan sarta ngalakukeun verifikasi dokumen luyu jeung instrument nu geus ditetepkeun, pokna deui nambahkeun.

Sawatara, Kepala SMPN 2 Bojongsoang, Hj Euis Hasanah S.Pd, M.Pd, salasasahiji sakola anu kapilih dina proses akreditasi, ngungkabkeun yen ieu kagitan teh jadi motivasi  pikeun terus ngamotekarkeun layanan jeung fasilitas perpustakaan di sakola.

Hal anu dilakukeunana, diantarana ngabebenah sakabeh aspek perpustakaan, ti mimiti koleksi buku-buku anyar, digitlisasi layanan nepi ka kapasitas pustakawan.

Akreditasi anu dilaksanakeun teh dipiharep jadi pamecut dina ningkatkeun literasi di kalangan para pelajar di Kabupaten Bandung sajalan sareng komitmen pamarentah daerah dina nyiptakeun generasi yang cerdas dan berdaya saing tinggi.

Sawatara, Kabid Pengelolaan Perpustakaan Dispusip Kabupaten Bandung, Firman Nugraha anu turut marengan Tim Asesor ti Perpusnas RI ngalaksanakeun akreditasi di lima sakola di Kabupaten Bandung nepikeun yen diperlukeun kolaborasi jeung sinergi enggoning ngokolakeun perpustakaan sakola.

“Dukungan ti Dinas Pendidikan kalintang diperyogikeun dina ngembangkeun perpustakaan sakola,” pokna.

Inyana ge nyebutkeun, kagiatan akreditasi perpustakaan sakola teh ngarupakeun salasahiji program prioritas ti Perpusnas RI dina kurun waktu 5 taun ka hareup.

“Alhamdulilah 5 sekolah anu dilakukan akreditasi kenging niley B,” ceuk Firman. (K)**

Editor: Dadan Sungkawa