42 Karya Budaya Ditetepkeun jadi WBTB Prov. Jabar Taun 2025

LBNews.com. BANDUNG, – Pamarentah Provinsi Jawa Barat geus netepkeun 42 karya budaya sebagai Warisan Budaya Tak Benda (WBTB) Taun 2025.

Samemeh sesi dibacakeun katetepan, aya sababaraha runtuyan kagiatan anu geus dilaksanakeun, ti mimiti usulan karya budaya anu ditepikeun para dinas anu ngawidangan kabudayaan ti 23 kabupaten/kota sa-Jawa Barat, ditema kana kajian usulan karya budaya ku tim ahli, ngawengku: Kepala Bidang Kebudayaan Disparbud Jabar Febiyani, Dinda Satya Upaja, Zaini Alief, Laina Rafianti, Hikmat Nashrullah Latief, jeung Irvan Setiawan.

Tina 67 karya budaya anu kaverifikasi dihasilkeun 42 karya budaya anu ditetepkeun jadi WBTb Jawa Barat.

Ketua Tim WBTB Jabar Bucky Wibawa Karya Guna nyebutkeun, ieu warisan budaya tak benda teh henteu lesot tina tanggung jawab enggoning tarekah mulasara seni tradisi atawa budaya nu sumebar di Jawa Barat.

Inyana nganiley, akar budaya ulah nepi la leungit sabab ngaripakeun jati diri bangsa. Inyana oge miharep, pihak kabupaten/kota terus ngagali potensi budaya jeung kaarifan local nu aya di daerahna sewing-sewangan.

Pihakna oge upaya satekah polah sangkan bisa ditetepkeun jadi WBTB Nasional. Mudah-mudahan lain ngan saukur angklung wae anu bisa ditetepkeun jadi warisan UNESCO, nu lainna oge didorong sangkan jadi warisan budaya UNESCO. Jeung ieu ngarupakeun kareueus keur sakumna warga Jawa Barat.

Wincikan daftar WBTB Jawa Barat 2025, nyaeta: Kabupaten Bogor (Ngabungbang Cimande, Seni Cibatokan), Kabupaten Bekasi (Ujungan Bekasi), Kabupaten Karawang (Tepak Gendang Opok Kijing, Tari Gondang, Tata Rias Penganten Kembang Ageung), Kabupaten Purwakarta (Keramik Paléréd), Kabupaten Sukabumi (Mulasara Nu Ngalahirkeun, Gula Kawung, Tradisi Ngadegkeun Bumi, Tradisi Mapag Lisung Anyar, Sangu Kabuli), Kabupaten Garut (Endog Léwo, Kerajinan Kulit Sukarégang), Kabupaten Kuningan (Dogig, Pesta Dadung), Kabupaten Ciamis (Peuyeum Koroto, Kopi Godog), Kabupaten Tasikmalaya (Dodol Eluk, Golok Galonggong Manonjaya, Anyaman Pandan Sukaruas), Kota Sukabumi (Babakti Lemah Cai Cikundul), Kota Bekasi (Ngarak Kebo Bulé Kranggan), Kabupaten Sumedang (Poyok Ungkal), Kabupaten Pangandaran (Hajat Waluya), Kabupaten Bandung Barat (Sasapian), Kabupaten Cirebon (Adus Sumur Pitu, Memayu Buyut Trusmi, Muludan Tuk, Pengantin Tebu Cirebon, Syawalan Gunungjati), Kabupaten Indramayu (Topeng Klana Udeng Dermayu, Arsitektur Rumah Junti, Cimplo), Kota Bandung (Batagor, Mie Kocok Bandung, Tahu Cibuntu), Kota Bogor (Bir Kotjok), Kabupaten Cianjur (Manisan Buah Cianjur), Jeung Kabupaten Bandung (Opak Linggar Rancaékék, Rujak Cihérang, Mapag Ménak).***
Editor: Dadan Sungkawa