Dana Hibah Kungsi Leuir Datang, Yayasan Assalam Genjot Pangwangunan RKB

LB News.com. MAJALAYA. – Pikeun ngaronjatkeun ajen pendidikan di kalangan barudak umuran sakola, diperelukeun ayana lembaga Pendidikan anu salawasna bajoang ngabentuk karakter Islami. Ti mimiti beunceuh (usia dini), SD, SMP, SMA dalah nepi ka tingkat universitas. Tangtu we ieu teh merelukeun proses nu panjang, salian ti administrasi jeung sarana/prasarana anu diperlukeun keur ngarojong proses kagiatan diajar. Geus biasa disebut proses KBM.

Salasahijina Yayasan Assalam pingpinan Iip Saeful Ahyar, salasaurang pajoang pendidikan anu teu weleh suhud ngasuh tur ngaping barudak kalawan ngakar kana karakter akhlakul Karimah

Iip ngaku yen Yayasan Assalam geus narima bantuan dana hibah taun anggaran 2024 nu gedena Rp 150.000 000,- (saratus lima puluh juta rupiah), anu kiwari dilarapkeun pikeun nambahan Ruang Kelas baru (RKB).  

“Turun bantosan akhir Desember 2024 ari bintekna mah akhir Mei di Purwakarta. Dana bantosan provinsi rencana diterapkeun kangge ruang kelas baru. Tingal ku bapa, ieu aula nembe rengse ngecor, seseg nya pa. Kedahna mah sakitu teh kangge satu ruang kelas, ku abdi didamel tilu ruang kelas baru,” pokna nembrakeun rasa kabungahna.

Enya bae, pangwangunan rohangan kelas teh katingalina lega jeung tohaga deuih. Cacak tacan anggeus 100%, tapi geus kaciri agrengna mah. Cenah dirarancang mah hayang ditingkatkeun. Bagean loteng diajangkeun keur paranti mondok. Proses KBM di bagean handap.

Danget kiwari, ieu Yayasan Pendidikan Islam teh ngabogaan santri kurang leuwih 160 urang, ngawengku Pendidikan Raudhatul Athfal 37 anak, diniyah takmiliyah, Ulla, Wustho sakitar 120 urang santri, walon Iip.

Leuwih jauh, Iip ngadadarkeun ngeunaan jam pelajaran anu beda jeung sakola sejenna. Proses kagiatan diajarna teh lumasung ti isuk-isuk nepi ka sore. “Tapi keur barudak tingkat SMP mah aya tambahan waktu jam pelajaran, “Kanggo murangkalih tingkat SMP mah aya tambihan waktu ti ngawitan bada magrib, husus diajar ngeunaan kaagamaanm” ceuk Iip.

Ditanya ngeunaan leuirna turunnya bantuan dana hibah propinsi, Ketua Yayasan Assalam kungsi ngangluh.

Nurutkeun pangakuanana, bantuan dana hibah turun dina awal November, ari gulutukanana kakara cair meh deuk ahir Desember, ”Meunang telepon ti bagian Umum, nitah datang ka  bagian keuangan. Cenah No. Rekening Yayasan teu aktif. Atuh kapaksa kudu uras-urus deui, menta dikirim ulang. Sugan teh rek cair harita, ari heug teh ngampkeng, Kakara cair, bulan Desember. Tanpa aya potongan sepeser oge,” ceuj Iip Saeful Ahyar, Ketua Yayasan Assalam yang berlokasi di Balekambang Majalaya, nyaritakeun pangalaman meunang bantuan dana hibah.

Kalayan bantuan dana hibah, Yayasan Assalam antukna bisa ngawangun sarana merenah. Sanajan henteu mahi sabab geuning tekor Padahal biayaaneun masih keneh lumayan loba. Ti mimiti hayang nganggeuskeun pangwangunan, oge deuih sarana/prasarana sejenna. Kaasup alat pembelajaran lianna 

Iip henteu ngarasa galideur, sajan loba keneh kakurangan, tapi inyana boga kayakinan sagala kaperluan sakola Islam nu dipingpingna katedunan tarekah keung ihtiar nu suhud. (Gun)***