Unit Perpustakaan Poltekpar NHI Bandung: Gelar Bedah Buku Sunda Koleksi Internasional “Ti 2020 Ka 2022” Bareng Ahli Gastronomi
Gelaring Bedah Buku Ti 2020 ka 2022 karya Dr. Riadi Darwis, M.Pd. di Convention Hall Lanta 2 Poltekpar NHI Bandung, Rebo (30/4/2925).*** 
LBNews.com. KOTA BANDUNG – Unit Perpustakaan Poltekpar NHI Bandung rampak gawe jeung Majelis Musyawarah Sunda baris midangkeun gelaring Bedah Buku Ti 2020 ka 2022 karya Dr. Riadi Darwis, M.Pd. di Convention Hall Lantai 2 Poltekpar NHI Bandung, Rebo (30/4/2925).
Dina ieu acara teh bakal ngahadirkeun dua urang Doktor nu jadi narasumberna, nyaeta Dr. Riadi Darwis, M.Pd. (penulis buku & Dosen Poltekpar NHI Bandung) jeung Dr. Endang Kasurpadi, M.Pd. (Dosen & Praktisi Kebudayaan Sunda) kalayan panumbu catur (moderator), nyaeta Unna Hasanahm S.S.I (Pustakawan Perpustakaan Politekpar NHI Bandung).
Buku Ti 2020 ka 2022 karya Dr. Riadi Darwis, M.Pd. kaasup salah sahiji karya unik buku Sunda tina sisi karagaman eusi, kaaksaraan jeung tifologi winangun kumpulan puisi jeung memoar. Teu salah lamun tea mah dijadikeun koleksi bahan Pustaka di sababaraha perpustakan anu ngabogaan reputasi internasional, seperti Library of Congress USA, Leiden Universitiet Belanda, Cornell University, USA, California University USA, Singapore Nasional Library, jeung Hongkong National Library
Teu kurang unik deuih tina sisi kasang tukang penulisna nyaeta Dr. Riadi Darwis, M.Pd. anu salila ieu dipikawanoh salaku dosen jeung peneliti Sekolah Tinggi Pariwisata Bandung. Inyana geus ngahasilkeun sababaraha buku ngeunaan warisan kuliner Sunda minangka salasahiji bagean tina ulikan gastronomi, hususna ngeunaan hubungan sajarah, kabudayaan jeung kaolahan kuliner Sunda, anu ceuk sawanganana bisa dipake jadi “panto bangongong” pikeun maham peradaban hiji daerah. (Eryandi)***
Editor: Dadan Sungkawa
