Sajarah Anyar Pelantikan Kepala Daerah: Bareng jeung Parapucuk Pingpinan Daerah Sakuliah Indonesia, Dadang Supriatna-Ali Syakieb Diistrenan di Istana Kapresidenan

LBNews.com. JAKARTA, – Dadang Supriatna-Ali Syakieb resmi dilantik Presiden Prabowo Subianto mingpin Kabupaten Bandung periode 2025-2030, di Istana Merdeka, Jakarta, Kemis (20/2/2025) nak.

Ieu Bupati jeung Wakil Bupati Bandung teh dilantik babarengan jeung parapucuk pamingpin daerah sejenna ti 33 provinsi, 364 kabupaten jeung 84 Kota sakuliah Indonesia.

Dina prungna acara ngistrenan parapucuk pingpinan daerah, ngawengku gupernur/wakil gupernur, bupati/wakil bupati jeung walikota/wakil walikota, lintang ti para pejabat nagara, oge deuih ieu acara teh diluuhan ku para menteri Kabinet Indonesia Bersatu (KIM) katut parapucuk pingpinan partai politik nu lumangsung kalayan khidmat tur sakral.

Dina biantarana, Presiden Prabowo Subianto nepikeun amanatna sangkan parapingpinan daerah enya-enya ngutamakeun kapentingan rahayat sakabehna enggoning nembongkeun gawe nu sahade-hadena,tur  transparan  sajeroning ngalaksanakeun pancen jabatan jeung kakawasaan.

Saterusna Prabowo nyebutkeun yen ieu acara pelantikan teh sasat beunang disebutkeun mibanda ajen sajarah anu penting dina kahirupan sistem pamarentahan sapanjang perjalanan sajarah bangsa jeung nagara Indonesia. Ieu teh momen sajarah, sabab munggaran di nagara Indonesia 961 pingpinan daerah dilantik bareng di Istana Merdeka ku presiden, ceuk Prabowo.

Nurutkeun Prabowo Subianto, 961 pingpinan daerah nu asalna ti rupa-rupa partai politik, suku bangsa jeung agama rampak ngahiji taya panghalang nguntunkeun persatuan jeung kasatuan, nembongkeun beungkeutan kulawarga besar Nusantara, kulawarga besar nagara kasatuan Republik Indonesia, keluarga besar merah putih jeung keluarga besar Bhineka Tungal Ika, pokna deui nandeskeun.

Ieu teh nuduhkeun ka sakumna urang sarerea yen kumaha badagna nagara urang.  Indonesia kaasup nagara kaopat panggedena sadunya hirup kalayan demokratis jeung dinamis, tandesna.

Prabowo ngingetan ka sakumna para kepala daerah sangkan leuwih iatna jeung daria ulah nepikeun ka mopohokeun kana proses kampanye kamari, Leuwih hade lamun loba turun ka masarakat demi meunangkeun kapercayaan masarakat.

Sabab dina hakekatna, ceuk Prabowo para kepala daerah bisa soteh kapilih nepi ka dilantikna alatan izin Allah ngaliwatan proses sora rahayat. Ieu Danjen Kopassus manten teh peupeujeuh sangkan para pingpinan daerah bisa nembongkeun rasa tumarima ka masarakat ku jalan ngabela kapentingan rahayat tur salawasna bajoang demi kasugemaan rahayat salaku abdi rahayat jeung abdi nagara. (Diropea tina rilis Humas Kab. Bandung.***)