Sesebutan Kantor Gupernur di Lima Wilayah Jawa Barat

LBNews.com. KOTA BANDUNG – Gupernur Jawa Barat, Dedi Mulyadi netepkeun lima kantor gupernur di sababaraha wilayah di Jawa Barat. Ieu kaputusan teh dumasar kana tinimbangan karakter budaya dominan anu masih keneh kuat di lima wilayah di Jawa Barat, nyaeta Priangan Garut, Priangan Bandung Raya, Cirebon, Purwakarta, jeung Wilayah Bogor (Sunda Betawi).

“Jawa Barat mibanda lima karakter budaya, nyaeta Priangan Garut, Priangan Bandung Raya, Cirebon, Purwakarta, jeung Wilayah Bogor (Sunda Betawi),” ceuk Dedi Mulyadi.

Salian factor budaya dominan, oge deuih aya factor historis anu dijadikeun tinimbangan. Sabab, lima wilayah nu kasebut teh baheulana kaaasup wilayah karesidenan atawa wilayah administrasi sabawaheun gupernur. Kiwari, kantor-kantor urut karesidenan teh diaktifkeun deui jadi kantor wilayah gupernur, kalayan maksud pikeun ngampilkeun layanan jeung jeung akses masarakat.

Tah, eks kantor karesidenan ieu, diaktifkeun deui jadi kantor wilayah gupernur. Tujuanana sangkan daerah-daerah nu aya di sabudeureunana ngabogaan akses nu leuwih deukeut dina waktuna aya kapentingan dines jeung gupernur. Di kantor wilayah gupernur ge sarua disadiakeun staf layanan masarakat, ceuk Dedi ngajelaskeun.

Sakabeh kantor wilayah gupernur di lima wilayah teh dibere ngaran nyoko kana ngaran-ngaran anu ngingetkeun kana sajarah pamarentahan jaman karajaan Sunda, saperti Bale Pakuan Pajajaran keur Wilayah Bogor, Bale Sri Baduga keur Wilayah Purwakarta, Bale Jaya Dewata di Wilayah Cirebon, Bale Dewa Niskala di Wilayah Priangan Garut, jeung Bale Pakuan di Wilayah Bandung Raya.

Masing-masing kantor wilayah bisa ngageroh pangladen pikeun tilu nepi ka lima kabupatenj/kota anu tempatna padeukeut, guna mastikeun pangladen pamarentahan leuwih walatra jeung gampil kaaskses ku masarakat.***

Dadan Sungkawa