RUPST Bank BJB, Gupernur Dedi Mulyadi Negeskeun Sikep Profesional Pemda Provinsi Jawa Barat
Gupernur Jawa Barat Dedi Mulyadi jeung para jajaran pimpinan bank bjb satutasna Rapat Umum Pemegang Saham Tahunan (RUPST) Tahun Buku 2024 di Menara bank bjb, Kota Bandung, poe Rebu (16/4/2025).*** 
LBNews.com. KOTA BANDUNG – Gupernur Jawa Barat Dedi Mulyadi ngayakeun Rapat Umum Pemegang Saham Tahunan (RUPST) Tahun Buku 2024 di Menara bank bjb, Kota Bandung, poe Rebu (16/4/2025).
Dina ieu RUPST teh, Yusuf Saadudin katunjuk jadi Direktur Utama bank bjb. Satuluyna Wowiek Prasantyo ditunjuk jadi Komisaris Utama bank bjb.
Sawatara, Sekda Jabar Herman Suryatman nempatan posisi Komisaris, saterusna, mantan Direktur Utama TVRI Helmy Yahya ngeusian posisi Komisaris Independen.
Ku ayana struktur pingpinan nu anyar, Gupernur Dedi Mulyadi nandeskeun Pemda Provinsi Jabar salaku pemegang saham tertinggi baris ngaheulakeun profesionalitas kalayan taya intervensi dina satiap kawijakan.
Ti Pemda Provinsi Jabar salaku nu nyekel saham 36 persen, leuwih ngaheulakeun profesionalitas. Sikep profesional teh bisa dibuktikeun tina komposisi (pingpinan) anu diusulkan, tuluy disaluyuan ku sakabeh nu nyepeng saham,” ceuk Dedi Mulyadi.
Nurutkeun KDM, sebutan akrab Gubernur Dedi Mulyadi, komisaris utama di bank bjb anu katunjuk dumasar kana aspek profesionalitas.
Pikeun jajaran komisaris oge, enya-enya dumasar kana aspek profesionalitas moal aya hiji aspek oge anu sipatna politik,” pokna.
Saterusna Dedi ge ngungkabkeun yen anu diusulkeun jadi direktur utama bank bjb ditingal tina rekam jejakna jeung ngaheulakeun aspek professional
“Nu diusulkan (jadi pingpinan) didadasaran aspek-aspek profesionalitas,” ceuk Dedi.
Para jajaran pimpinan bank bjb nu katunjuk: Dewan Komisaris: Komisaris Utama Independen Wowiek Prasantyo, Komisaris Herman Suryatman, Komisaris Rudie Kusmayadi, Komisaris Tomsi Tohir, Komisaris Independen Helmy Yahya, Komisaris Independen Novian Herodwijanto. Direksi: Direktur Utama Yusuf Saadudin, Direktur Kepatuhan Joko Hartono Kalisman, Direktur Korporasi dan UMKM Mulyana, Direktur Konsumer dan Ritel Nunung Suhartini, Direktur Operasional dan Teknologi Informasi Ayi Subarna, Direktur Keuangan Hana Dartiwan.***
Editor: Dadan Sungkawa
