Kusut, Pasualan Internal TPS Pasar Ciparay Diduga Pihak Pengembang Henteu Transparan jeung Lepas Tangan

LBNews.Com. CIPARAY, – Sanggeus TPS (Tempat Penampungan Sementara) dibangun bari meakkeun dana anu gedena Rp 2,2 milyar, muncul pasualan anyar di kalangan internal pangurus pasar Ciparay. Hal ieu dilantarankeun aya dugaan sual transparansi pihak pengembang nyaeta PT Pradasa ka pihak pamarentah desa Ciparay, utamana ka para pelaksana/pengurus lapangan anu ditunjuk pemdes Ciparay dina kawenangan kepala desana, Dedi Jumhana.

Balukarna, kakusutan muncul di lingkungan internal kepengurusan pasar ciparay tumali jeung sababaraha hal nu sok jadi rame, salasahijina masalah listrik jeung complain para warga pasar ku ayana rembesan cai nu nguyumban jeroeun pasar kalayan henteu jelas akses ngamalirkeunana.

Ongkoh deuih Kepala Desa Ciparay Dedi Jumhana oge nganggap, tapi dina harti henteu nyalahkeun, yen pengurus/pelaksana lapangan dianggap tacan mampu dina ngungkulan rupa-rupa pasualan anu teu weleh jadi gangguan dina ngalaksanakeun kepengurusan warga pasar di TPS Cijagur. Utamana ngungkulan pasualan setoran listrik nepi ka tempo-tempo mah kudu gulayaban pakeun nutupan, da sok rajeun tekor.Sakali dua kali, henteu soteh jadi masalah. Tapi ari mindeng mah, nya jadi mamala oge.

“Ayeuna kieu, sahari sekitar Rp 2 juta weh dikali 30, jadi 60. Dipotong jang listrik 25, 35 deui meureun nya? Cukup tidak jang pembiayaan sampah,” ceuk Kades Ciparay, Dedi Jumhana waktu ditepungan di kantorna, Rabu, (19/32024).

“Ari Pemdes rek timana kudu ngagantian terkait listrik eta, makana ku abdi diminta kumaha carana lah. Lain efisiensi meureun, cara pengaturanana supaya teu aya kerugian apalagi nunggak bayar listrikna.” Jelas kepala desa Ciparay.

Ngeunaan complain para pedagang jeung pangunjung pasar Cijagur tumali jeung ngeyembengna cileuncang nu mindeng rembes ka jero pasar, Dedi Jumhana ngajawab, “Terkait itu jangan disalahkan oge gambar ataupun PT, model susukan eta pan tos kapendet-pendet ku para pedagang. Abdi kamari waktos ngecek anu jalur kadieu geus katutup nu kuduna  langsung ka susukan , katingali henteu, sok cek atuh,” ucap kades deui.

Ketua sementara pengurus pasar Cijagur, Aswiyn ngan saukur suri koneng ngupingkeun kadesnya. Bari mukaan komputerna, Aswiyn nembongkeun data panarimaan jeung pangaluaran Pasar TPS Cijagur bari ngajelaskeun, pokna:

“Retribusi ke warga pasar itu ada tiga kang:  listrik, sampah dan keamanan, masing-masing Rp 2000 untuk pedagang. Yang aktip sebanyak 331 lapak/kios disamakan saja sementara. Nah, dapetnya fluktuatif. Tidak tetap, soalnya ada pedagang yang punya lima kios, bayarnya satu. Terus model pedagang busana, kan cuma bayar listrik doang, sampah dan keamanan tidak mau bayar. Ada juga pedagang yang tidak mau bayar retribusi sama sekali sampai sekarang padahal pembelinya rame dari mulai tps ini dibuka seperti pedagang daging,” ucap Aswiyn.

“Nah untuk bayar listrik kita terkendala. Selalu nombok tiap bulannya, karena tidak mungkin mengambil pos yang lain. misalnya dari retribusi sampah atau keamanan. Bakal timbul masalah baru. Padahal di pasar lama (Pasar Ciparay, nu geus dikosongkeun) listrik sudah ada yang nakel. Sekarang itung-itungan Pa, retribusi listrik sebesar Rp 2000 dikali 331. Anggap saja bayar semua dipotong bop petugas dikali sebulan jatuhnya sekitar Rp 18 juta, Pa. Sedangkan bayar listrik stagnan diangka Rp 24 juta selalu begitu. Kami bingung mencari solusinya, sampai-sampai, bulan yang lalu kita pinjam ke seseorang untuk menutupi beban listrik itu,” Jelas pengurus pasar blak-blakan satarabasna.

“Pemasukan dan pengeluaran kita catat dengan rinci, terus kita laporkan ke pemdes secara transparan tidak ada hal yang kita tutupi, semuanya jelas dan gamblang, malah kita menginginkan laporan kita diaudit dilanjuti dengan pengecekan ke lapangan. Anehnya kita tidak pernah dilibatkan oleh pemdes ketika ada rapat dengan pengembang padahal kita ujung tombak di lapangan,” ucap pengurus pasar ngadadarkeun.

Informasi nu kahimpun, pengembang pasar Ciparay PT Pradasa teu bisa nembongkeun RAB jeung denah gambar sakumaha anu dipenta ku pengurus pasar di TPS Cijagur, alatan teu aya gambar denah tea, ieu pangurus jadi kasulitan kumaha ngungkulan masalah samodel cai nu ngeyembeng di jero TPS pasar.

Lintang ti kitu, PT Pradasa henteu ngajelaskeun atawa nerangkeun ngeunaan SPK (Surat Perjanjian Kerjasama) jeung pemerintahan desa Ciparay. Ceuk sakaol mah ngan ukur dibacakeun pount-point na wae, ari salinana mah henteu dibagikeun. Kaasup masalah listrik di pasar. Salian ti, pengembang oge diduga ngadirikeun TPS Pasar Ciparay di Cijagur henteu ngalibatkeun warga pasar. Nu antukna, remen narima komplain anu terus-temerus.

Basa dicoba klarifikasi ka humas PT Pradasa, Sandi nepi ka direkturna ngaliwatan chat WA, nepi ka ieu tulisan dijeun, pihak PT Persada teu enya-enya ngarespon. (Gun)***